[期間限定] 好友聚會✨😘✨
前幾日收到通知，同學會同佢既朋友黎東京玩，會以動漫為主！咁我就一同出左去池袋J WORLD入場！！始終一個人去點會有癮架，緊係一大班人柴娃娃嘻嘻哈哈呠先開心。但原來J WORLD都無咩特別，影相位唔多，真人版路飛又鬆弛晒～大家都大笑！！
完左之後就周圍行下休息下食下野，就開始攞手機出黎，研究下轉珠的組合。好快就同大家熟絡左！！抖左彈就出渋谷，點知走散左METRO線上，我同另一朋友先行，另外兩個即下部車，但他們又上錯車去錯方向。哈哈，我還來來回回池袋新宿渋谷幾次，他們先聯絡得上＝。＝"但又一次好經歷！
渋谷行左陣就想食野，一心想食肉橫丁，點知多人到呢！！店長說沒電話預約無位，但後來2個日本人入去就有位囉！！！！因為太肚餓，我地就去左對面既磯貝水產食。磯貝水產最近開到周圍都係，個個旅遊熱點都有它的出現。食海鮮心諗會好貴，一入去叫左幾碟壽司醫下肚先。望一望價錢先醒起日本出名海產，價錢又點會貴！！又大隻又好食，首選原隻大元貝～～～仍然回味中
肉質鬆軟厚身，重鮮味，而且仲多汁，加少少醬油就吊出水產濃味！！
食完趕尾班車回家！！再想想今日的開心事
1) 雖然是 [期間限定] 好友，但可能身處異地，再加上臭味相投，特別容易熟絡
2) 收到日本設計公司既面接，已通過電話INTERVIEW，希望一切順利
3) 日本朋友通知我6月會結婚，邀請我出席！！！極度開心～第一次！！
#大丈夫 ＃東瀛工作 ＃遊記 ＃好友 ＃日本工作假期 ＃工作假期 ＃JLPT ＃日本語能力試驗 ＃workingholiday #WH ＃Japan ＃Tokyo ＃Japanese ＃Ryan ＃RyanYeung ＃丫仁 ＃JWORLD ＃ONEPIECE ＃海賊王 ＃路飛 ＃LUFFY ＃惡魔果實 ＃東京 ＃水產 ＃渋谷 ＃涉谷 ＃池袋 ＃新宿 ＃東京METRO
Search